O PSOE do Pino denuncia “o desleixo do PP do Pino no mantemento das instalacións municipais”

Indican “que a principal tarefa do Alcalde é a de criticar e buscar a confrontación en vez de atender ás incidencias e demandas da veciñanza”

En O Pino a 7 de agosto de 2021. O PSOE do Pino lamenta que, no actual mandato, a principal característica do Alcalde sexa sempre a de criticar a xestión que está a realizar a Deputación da Coruña, “cando é a Administración que máis recursos aporta ao concello, tanto para vías e obras como para o eido social”, apuntan desde o PSOE local.

Sinalan que Taboada, como político, ten todo o dereito a criticar, “o que resulta absurdo e que el, tendo responsabilidades de xestión, critique a Deputación pola falta de limpeza das vías provinciais cando as vías locais están no mesmo ou peor estado”.

Así mesmo, os Socialistas tamén denuncian o desleixo do actual equipo de goberno á hora do mantemento das instalacións municipais, “fai case un mes que, debido ao calor, rompeu un panel de cristal da pista de padel, e o Alcalde nin sequera se molestou en mandar a ninguén a recoller os cristais”. Tamén informan que, o actual Alcalde, no seu día abandonou por completo o mantemento do Campo de Fútbol do Lameiro e, “agora estamos gastando outra vez diñeiro para arranxalo e poder facer uso do mesmo”, “Taboada e o menos indicado para criticar a ninguén”, sinala o voceiro do PSOE local, Óscar Vilar.

Pista de Padel do Pino