“ACORDOUSE NO PLENO ACOMETER UNHA ACTUACIÓN URXENTE NA PRIMEIRA QUINCENA DO MES DE ABRIL, REMATA O MES E NADA SE FIXO”, DENUNCIA O PSOE LOCAL

En O Pino, a 27 de abril de 2021. O PSOE do Pino vén de rexistrar un escrito dirixido ao Alcalde onde lle lembra o compromiso adquirido no pasado pleno do 31 de marzo a raíz dunha moción rexistrada polo Grupo Socialista, “acordamos, no debate da nosa moción, que o Concello levaría a cabo unha actuación urxente e provisional na estrada que vai desde o Pedrouzo a Bama, e que como máis tardar, segundo as palabras do Alcalde, se executaría nos primeiros quince días de abril, remata o mes e a estrada segue sen amañar”, denuncian.

O PSOE local critica o nulo interese que vén mostrando neste asunto, ano tras ano, o Partido Popular do Pino, “levamos anos reclamando o amaño desta estrada, falamos dun tramo de pouco máis dun quilómetro, que usan tantos os veciños e veciñas do Pino como os de Touro, que se atopa nun estado máis que lamentable, e canto máis se reclama o amaño máis se ignora e máis se atrasa, no suposto caso que os Populares de O Pino o estean a facer adrede, ao menos que sexan valentes e o recoñezan”, indican os Socialistas.

Saúdos, PSOE O Pino