O Grupo Socialista vén de rexistrar unha moción co obxecto de que a Corporación do Pino solicite á Xunta de Galicia a reactivación da reestruturación parcelaria do monte de San Miguel de Pereira, e o estudo de viabilidade do monte de Arca

Os montes das parroquias de San Miguel de Pereira e Arca, no concello coruñés do Pino, a pesar da súa importancia forestal, e pasados de máis de 12 anos desde que se teñen iniciados os estudos de viabilidade e impacto ambiental para a súa reestruturación, como é o caso do monte de San Miguel de Pereira, continúan sen estar ordenados e concentrados.

Montes que teñen como notas características altas taxas de fragmentación, e unha deficiente rede de camiños. Circunstancias, estas, que restan rendibilidade económica a zona e ós propietarios.

Propietarios que levan anos demandando a concentración parcelaria e que ultimamente se están sumando as distintas campañas de recollidas de firmas inicias por colectivos da zona, co propósito de que o Concello as traslade á Concellería do Medio Rural.

O PSOE solicitará no Pleno que a Corporación se sume a esta reivindicación

O Grupo Socialista quere que toda a Corporación se sume a esta reivindicación da veciñanza, e por todo iso vén de rexistrar unha moción para debater no próximo Pleno ordinario, e onde a parte resolutiva insta á Xunta a reactivación da reestruturación parcelaria do monte de San Miguel de Pereira, e o inicio do estudo de viabilidade do monte de Arca