O PSOE AGRADECE QUE POR FIN O ALCALDE ATENDA A ALGUNHA DAS SÚAS PETICIÓNS
SOLICITAN UN SERVIZO DE IMPRESIÓN DE TRABALLOS ESCOLARES E POSTERIOR ENTREGA A DOMICILIO
31/03/2020
O PSOE SOLICITA QUE SE CELEBREN, DE FORMA TELEMÁTICA, OS PLENOS
13/04/2020
O PSOE agradece que por fin o Alcalde atenda a algunhas das peticións que lle vén facendo o Grupo Socialista desde que comezou o estado de alarma
Lembran que, foron eles quen semanas atrás solicitaron o servizo de impresión de traballos escolares e esta semana a compra de mascarillas para toda a poboación
Solicitan que as mascarillas se envíen aos domicilios, incluíndo ao núcleo de Pedrouzo, a través dun servizo de buzoneo, ofrecéndose eles mesmos a botar unha man nesta tarefa, “as autoridades non poden pedirlle a poboación que cumpra escrupulosamente co confinamento, e dende o Concello, o Alcade, indicar que as mascarillas se terán que recoller nun punto pendente de determinar, iso é ir en contra da norma establecida”, denuncian.
O PSOE do Pino alégrase que o Alcalde atenda a algunhas das peticións que vén facendo o Grupo Socialista desde que comezou o estado de alarma e emerxencia sanitaria.
Días atrás solicitaban por rexistro un servizo de impresión de traballos escolares para todo o alumnado do CPI Camiño de Santiago, e esta mesma semana solicitaron a compra de mascarillas para todos os veciños e veciñas. Peticións todas elas que contaban con un alto apoio social, e grazas a esa presión o equipo de Taboada vén de anunciar, a través da web municipal, a posta en marcha de ambas demandas do PSOE.
Por outro lado, non comparten o que se está a comunicar na web municipal, onde se lle indica ós veciños/as de Pedrouzo, en Arca, que terán que pasar a recoller as mascarillas nun punto que está pendente de determinar, “lémbranlle ao Alcalde que, de momento, ata o 26 de abril estamos en período de confinamento, e a xente ten que cumprir escrupulosamente co de quedarse na casa, polo tanto non é de recibo que se pida dende unha administración local que non se cumpra coa norma imposta polo Goberno”, apuntan.
Solicitan que as mascarillas se envíen a todos os domicilios do Pino a través de buzoneo, o igual que se fai cando se remite ao final de cada ano a revista de información municipal “Faisca”.
Na solicitude tamén se ofrecen, como membros da corporación, a colaborar nesta tarefa, “estamos dispoñibles para botar unha man no que faga falta, o que non queremos é fomentar dende o concello a mobilidade dos nosos veciños/as, cando o que agora toca é quedar na casa” lembran.
