OS SOCIALISTAS DO PINO CRITICAN A URXENCIA “DE ÚLTIMA HORA” QUE XUSTIFICA O ALCALDE PARA REALIZAR OBRAS NO CAMPO DE FÚTBOL DO LAMEIRO
O PSdeG-PSOE RECLÁMALLE Á XUNTA QUE REHABILITE O ALBERGUE DE PEREGRINOS DE ARCA –O PINO-
15/09/2020
SOLICITAN A DEVOLUCIÓN DA PARTE PROPORCIONAL DAS COTAS DAS ACTIVIDADES DEPORTIVAS QUE QUEDARON EN SUSPENSO NO PASADO CURSO POR MOR DO COVID-19
05/10/2020
ACUSAN AO ALCALDE DE IRRESPONSABLE E DE PROMOVER OBRAS DE XEITO ELECTORALISTA CANDO EXISTEN OUTRAS NECESIDADES MÁIS URXENTES
Na última sesión plenaria celebrada no Concello do Pino o equipo de Goberno do PP, xunto ao BNG, aprobaron un expediente de modificación de crédito por valor de 176.000 euros, destinados a acondicionar o campo de fútbol do Lameiro. Utilizando como único argumento a necesidade doutro campo de fútbol para a SD o Pino.
No debate sobre este asunto o partido Socialista mostrouse moi crítico con esta actuación, non vendo xustificada a urxencia da obra nin tampouco deron por boas as explicacións que alegou o Alcalde para que esta actuación non poida demorarse ata os exercicios seguintes, “os motivos alí expostos non xustifican a urxencia, nesta época de pandemia non está claro que a competición comece, ademais na localidade xa dispoñemos doutro campo de fútbol, o de Reboredo, totalmente acondicionado e a enteira disposición da SD o Pino” indicaron.
ACUSAN AO ALCALDE DE IRRESPONSABLE
O Grupo Municipal Socialista acusa ao Alcalde de irresponsable e de promover obras de xeito totalmente electoralista. Denuncian que ante a actual situación de crise sanitaria, social e económica non é o momento de promover este tipo de obras, cando estas necesidades xa están cubertas, e que pola contra hai outras demandas máis urxentes, “agora o que toca é o gasto social, temos moitos negocios vinculados a hostalería que igual teñen que pechar, carecemos dun centro de día, non hai saneamento no rural, o que si hai é campos de fútbol de sobra” apuntan.
