O martes 21 de xuño, as 09:00 horas, no Salón de Plenos do Concello de O Pino, o Alcalde terá que explicar a argumentación xurídica que motiva manter o bloqueo, a varios veciños/as e representantes municipais, no acceso e visualización das redes sociais institucionais

O PSdeG local co obxecto de que non se volvan a repetir estes feitos, que cualifican como “censura”, levarán ao Pleno tres propostas de acordos

Tras a solicitude de celebración de Pleno Extraordinario, presentada polo Grupo Socialista do Pino o pasado 31 de maio, e ante a reiterada negativa do Alcalde de O Pino a contestar aos escritos do mesmo Grupo -onde se lle solicitaba a argumentación xurídica que motivou o bloqueo de acceso e visualización ás redes sociais institucionais-, o Alcalde terá que explicar en sesión plenaria a que se deben os feitos, que o Grupo Socialista xa cataloga como “censura”.

O PSdeG local afirma que o Alcalde de O Pino utiliza desde fai moito tempo as redes sociais institucionais dun xeito totalmente partidista, “o Sr. Taboada caracterízase por darse autobombo. Leva moi mal a crítica, non acepta que ninguén cuestione a súa labor, e cando algún veciño ou veciña discrepa coa acción do goberno e o manifesta publicamente, o Alcalde, intenta por todos os medios que iso non transcenda, censurando e bloqueando ao mesmo nas redes sociais do concello”, manifesta o voceiro socialista, Óscar Vilar.

O Grupo Socialista local indica que estes feitos non se poden volver a permitir, “estamos ante un abuso de dereito, e extralimitación de funcións por parte dun mandatario local”. “Hoxe ninguén discute que as redes sociais institucionais son unha fonte de información para a cidadanía, e ninguén pode limitar ese dereito, e moitos menos a ningún concelleiro ou concelleira”, afirman.

Co obxecto de que todo isto non se volva a producir levan tres propostas de acordos ao Pleno: ordenar o desbloqueo inmediato, fomentar que as redes sociais institucionais conteñan información obxectiva e non se utilicen de forma partidista, e no caso de que se teña que realizar algún bloqueo por faltas de respecto e educación terá que existir antes un informe motivado e aprobado polo Pleno da Corporación.

Captura proposta de acordos. PSdeG Local

Convocatoria Pleno Extraordinario