A Deputación publicou hoxe a concesión aos concellos das axudas do PEL-Reactiva, dirixidas a apoiar a autónomos e microempresas afectadas pola pandemia do Covid-19

A Deputación achega 10 millóns de euros ao concellos para pór en marcha axudas, que oscilarán entre 1.500 e 3.000 euros

O Concello de O Pino recibe do ente provincial 62.773,30€, cantidade que poderá ser incrementada con fondos propios e así o solicitará o PSOE local nun Pleno Extraordinario

As axudas solicitaranse a través da Sede Electrónica do concello e o prazo remata o 25 de novembro ás 14.00 horas.

A Deputación da Coruña publicou hoxe no BOP a resolución pola que se aproba a concesión definitiva das subvencións correspondentes ao Fondo de financiamento para a reactivación económica e social da provincia da Coruña, PEL-Reactiva.

O reparto dos fondos deste plan aos concellos realizase de forma absolutamente obxectiva, baseándose no número de autónomos/as e microempresas de cada municipio.

O Pino recibe do ente provincial 62.773,30€, cantidade que poderá ser incrementada con fondos propios tal como vai solicitar nun pleno extraordinario  o PSdeG-PSOE do Pino.

Os concellos serán os encargado de tramitar as axudas

 A partir da vindeira semana, serán os concellos adheridos ao plan os que pasen a canalizar todas as solicitudes do seu tecido empresarial.

Nos 5 días hábiles seguintes a á publicación da resolución de asignación de fondos de hoxe, 28 de outubro de 2020, o Concello de O Pino deberán remitir a súa convocatoria específica de axudas á Base de Datos Nacional de Subvencións para rexistrala e publicala no BOP.

Ao día seguinte da publicación da convocatoria no BOP, os autónomos/as e microempresas con domicilio fiscal no Pino poderán solicitar directamente as axudas, que se rexistrarán de xeito telemático a través da Sede Electrónica municipal https://opino.sedelectronica.gal/info.1

Esta axuda da liña PEL-Reactiva poderán solicitalas os autónomos, autónomas e microempresas que se viran afectadas polo peche do negocio durante o estado de alarma, así coma aquelas que viran reducida a súa facturación en máis dun 75% ou se acolleran a un ERTE como consecuencia da situación de crise sanitaria orixinada pola COVID-19.

A subvención, compatibles con outras prestacións municipais, oscilarán entre os 1.500 euros para traballadores por conta propia sen traballadores ao seu cargo e os e os 3.000 euros aos que poden optar as microempresas e autónomos/as que conten cun cadro de persoal de entre 6 e 9 traballadores/as.

Os fondos poderán ser destinados, entre outras cuestións, a gastos de adaptación e acondicionamento dos negocios á nova realidade derivada da pandemia como pode ser a compra de mamparas de protección, a adquisición de produtos hixiénicos e de limpeza, material antiséptico ou desinfectante, así como a gastos correntes de subministracións de auga, luz, gas, etc.

O prazo de solicitude destas axudas por parte das microempresas e profesionais autónomos iniciarase a partir do día seguinte ao da publicación no BOP da convocatoria específica de axudas de cada concello e finalizará ás 14:00 horas do día 25 de novembro de 2020.