Todos os concelleiros/as do PP de O Pino votan en contra de establecer bonificacións no IBI
Os Socialistas levan ao Parlamento a parcelaria de O Pino, pendente dende hai 19 anos
09/10/2019
A veciñanza de O Pino, proximamente, terá a súa disposición diverso equipamento para realizar exercicio físico
19/10/2019
O Partido Popular de O Pino, unha vez máis, vota en contra da moción do PSOE local, onde se solicitaban bonificacións no IBI para o sector agrícola, gandeiro, forestal e familias numerosas
No último pleno do concello de O Pino, celebrado o pasado día 30 de setembro de 2019, o Partido Popular volveu a rexeitar a moción presentada polo PSOE local. Moción que solicitaba establecer bonificacións do 90% da cota integra para todas aquelas explotacións agrícolas, gandeiras, e forestais, e, tamén, bonificacións no IBI urbano para as familias numerosas.
No debate sobre este asunto o alcalde popular, Manuel Taboada, rexeitaba a moción, e “a renglón seguido” di que “están de acordo, pero que van votar en contra da mesma” indicaba.
Así mesmo, comprometíase a traer as bonificacións para a próxima sesión plenaria extraordinaria de outubro, ou novembro.
Dende o Grupo Socialista sinalan que “estes feitos demostran un nulo compromiso do PP co rural, e coas familias máis necesitadas”. Tamén informan que volverán a solicitar as veces que faga falta as devanditas bonificacións.
