O Parque Infantil de Forcarei, situado ao lado da escola infantil A Galiña Azul do Pino, será a primeira área de recreo infantil cuberta coa que contará O Pino grazas aos 89.600 euros que aporta a Deputación da Coruña.
Esta nova instalación “que xa debería estar rematada e a disposición da cativada”, segundo indican desde PSOE, foi solicitada polos socialistas no ano 2018 e incluída no Plan de Obras e Servizos da Deputación no ano 2019. “Tras saír a licitación e ser adxudicada o 15 de xullo do ano 2020, o único que se fixo, ata o momento, foi desfacer o parque, tal como testifican as propias imaxes”, critican.
Lamentan que o parque leve preto dun ano fora de servizo e sen trazas de que se retomen as obras, “esta obra foi deseñada para que os nenos e nenas puidera seguir gozando da instalación tanto os días de sol como os de choiva, e non para estar pechado con un cerramento metálico mal colocado”. “Foi o propio concello o que anunciou que o parque estaría listo en marzo deste ano, pasaron seis meses e desde aquela non se observou nin un só movemento na zona, a culpa de todo isto a ten o Alcalde polo nulo seguimento que fai das obras”, indica o voceiro socialista, Óscar Vilar.
Así mesmo, tamén critican que a Deputación da Coruña, como administración que financia as obras, non leve un mínimo de control e solicite de oficio as causas e motivos que atrasan a execución dos proxectos, “se fixera esa labor, que se presupón, moitas obras non se eternizarían”, apuntan.
O Concello de O Pino ten asignados 663.370,24€, cantidade que se verá aumentada coas achegas…
Trátase das curvas máis perigosas que ten a vía que une a N-634 coa parroquia…
Solicitan partidas para o EDAR, CPI Camiño de Santiago e Concentración Parcelaria Gonzar II En…
Unha semana máis o Sergas non cubre a ausencia da pediatra O Pino, a 26…
Consideran que, unha vez coñecidos os novos documentos e informes, entre outros, o do Consello…
Na sesión debatéronse os orzamentos do 2019, que para o voceiro do PSdeG, Óscar Vilar,…