Os socialistas lamentan que, ambos grupos, tendo recibido a notificación do inicio do trámite de nulidade voten en contra

Aprobada a moción do PSOE instanto á Xunta para que cubra as baixas no servizo de pediatría

As sesións plenarias extraordinarias celebradas onte, no Concello de O Pino, deixaron clara dúas cousas; o ambiente tenso que se respira no salón de plenos tras a interposición do contencioso administrativo por parte dos Socialistas, é, a nula autocrítica e soberbia que vén mostrando o Alcalde antepoñendo os intereses propios por riba dos intereses dos veciños/as.

O Alcalde, Manuel Taboada, chegou a recoñecer en sesión plenaria que non convocara o pleno extraordinario para tratar o asunto da falta de pediatra, porque o Grupo PSdeG-PSOE de O Pino decidira interpoñer un contencioso contra a sesión plenaria celebrada o pasado o 18 de decembro.

Interposición do contencioso que xa obrigou a iniciar os tramites de nulidade ao Alcalde, tal como solicitaba onte o PSOE, posto que, o Alcalde, seguindo o procedemento que ordena a xustiza, veuse na obriga de enviar notificación certificada a todos os concelleiros/as.

Os Socialistas lamenta que neste asunto o BNG de O Pino, sendo coñedor dos feitos, faga de muleta do PP local, “o igual que nós están a ser privados do seu dereito á información, tampouco dispoñen dos expedientes, o Alcalde muda as datas das sesións ordinarias de motu propio sen falar con ninguén, e logo despois o seu sentido do voto é igual que o do PP, incríbel” denuncian.

Aprobada a moción dos Socialistas instanto á Xunta para que se cubran as baixas no servizo de pediatría

No único asunto que houbo unanimidade foi na aprobación da moción presentada polos socialistas. Onde, toda a Corporación instou á Xunta de Galicia a que cubra todas as ausencias da pediatra no centro de saúde de O Pino.

Demandan máis orzamento para a estrada de Budiño

Na primeira sesión plenaria os socialistas tamén demandaron máis orzamento para mellorar a estrada de Budiño. Melloras que cren necesarias, pero non empobrecendo o proxecto primitivo, “non podemos admitir, nin admitimos, que retirar a partida de 15 centímetros de grava e o rego de asfáltico semiprofundo supoña unha mellora no proxecto primitivo como anuncia o Alcalde” denuncian.